REPRODUTOR DE MÚSICA

O Meu Pais - Miro Casabella
Loading the player...

30/04/13

A LEI DE EDUCACIÓN A DEBATE


A nova Lei de Educación ( LOMCE ) formará, como afirman os seus defensores, ao alumnado para acceder ao emprego? Será unha Lei equitativa e de calidade? É unha Lei sostible que aproveita os recursos nesta época de crise?.Ou pola contra a Lei de Mellora da Calidade Educativa vai, como sosteñen os seus detractores,  nun sentido oposto á calidade e avanza na privatización e mercantilización da Educación, recentralizando e uniformizando o sistema educativo? O Colectivo PENSAMENTO E SEMENTEIRA quer achegar a Viveiro este tema de actualidade e é por iso polo que organiza o día 7 de maio un DEBATE  sobre A NOVA LEI DE EDUCACIÓN ao que convidaremos á Consellería de Educación, á Federación de Asociacións de Nais e Pais de Alumnos,  a un director dun Centro e á central sindical máis representativa do profesorado.
O acto terá lugar no salón de CAIXAGALICIA ( na rúa Pastor Diaz ), dará comezo ás 20:30 horas e estará moderado por un xornalista.
Até o día de hoxe temos confirmado a participación de:
-ABILIO CALVO LÓPEZ, vicepresidente de FAPACEL
-ANXO LOUZAO, secretario xeral da CIG-Ensino
-JUAN  PARDO GATO, director do I.E.S. María Sarmiento de Viveiro.
Tamén se cursou un convite á Consellaría de Educación da Xunta.



22/04/13

UNHA BOA ACOLLIDA










O venres pasado tivo lugar o primeiro dos actos organizado polo Colectivo PENSAMENTO E SEMENTEIRA. O profesor de Economía Aplicada da Universidade de Santiago de Compostela foi o encargado de inaugurar a actividade deste novo colectivo coa charla informativa sobre "A crise económica e as estafas financieiras". Foi presentado pola presidenta da Xunta Xestora, Belén  González Martinez, que agradeceu a boa acollida xa que a asistencia encheu o Salón de Actos do Conservatorio Profesional de Música de Viveiro.
Nos vindeiros días este colectivo dará a coñecer a programación das actividades que desenvolverá en Viveiro, sendo probabelmente unha delas un debate sobre a nova Lei de Educación.

17/04/13

A CRISE ECONÓMICA E AS ESTAFAS FINANCIEIRAS

Este é o título  co que  o Colectivo  PENSAMENTO E SEMENTEIRA incicia a  súa andaina.
Esta charla informativa estará a cargo do profesor de Economía Aplicada da Universidade de Santiago de Compostela Bernardo Valdés Paços e terá lugar no Salón do Conservatorio Profesional de Música de Viveiro, na Travesía da Mariña, o vindeiro venres 19 de abril de 2013, ás 20:30 horas.

No Colectivo agardamos que este acto sexa do seu interese e queremos aproveitar este primeiro contacto para solicitarlles que todo aquel que o desexe nos propoña temas e actividades para tratar nos actos que poidamos organizar no futuro.



03/04/13

Se cadra este non é o mellor momento para botarmos a andar. As persoas que facemos parte da xunta xestora deste novo colectivo socio-cultural somos conscientes do que nos agarda. A Xunta  mantén  a supresión das axudas ao asociacionismo cultural e seguen os brutais recortes que estamos a sufrir os que non somos responsabeis da crise. Todo isto supón unha involución que  lembra a situación dos anos setenta, no franquismo, cando, nas peores condicións que se podían imaxinar, a aportación desinteresada dalgunhas persoas serviu para criar asociacións culturais que deron a coñecer o noso teatro, a historia, a literatura, o cine, a música…

As liña de actuación do colectivo PENSAMENTO E SEMENTEIRA serán a defensa e promoción da nosa lingua e  cultura, a recuperación da historia , o coñecemento e valorización do noso patrimonio,  a difusión  doutras realidades do Estado, do mundo árabe, latinoamérica…Para iso organizaremos debates, charlas informativas, proxeccións, viaxes…

A nosa primeira actividade será un acto informativo sobre a  a actual situación finacieira (desfiuzamentos, estafas bancarias…) que terá lugar nos vindeiros días e que servirá de acto de presentación pública deste novo colectivo.

A Xunta Xestora